Lirik Cinta Karuhei Oleh Krisna

Tabe salamat lingu nalatai
hayak karungut aku manyampai
mangambang kesah kue habambai
salam taharu dia baranai

Turus janji kalutuh kesah
ikau hatue je akan tampayah
kasayang ku dengam dia laluah
cinta satia bapeteng segah

Tiruk hoang jatunti beken
belum melai panai kalunen
kahuang ku dengam bilang ngalabien
angat ngaruhei bereng sabanen

Angat atei kuh puna gairah
nampayah ikau atei salawah
kilau pangkeme jata manuah
mundahan takdir dia mamisah

Iyuh kaka jagau balinga
panatau raja inuah jata
bara tamparan hasampuk mata
lembut angat garujut cinta

Sadang katahi nyarenan huang
harun sinde tuh ikau ingganang
perasaan haru bacampur sanang
manyundau kaka je jagau pandang

Rasuk jadi kue hasundau
ikau hatue kapanatau jagau
dia sakadar kutak kamburau
ikau harapan karuhei tatau

Iyuh kaka je hatue nupi
hasupa dengam puna rajaki
kanatek nintu tasalurui hai
janji satia akan turus janji

Kahuang atei sama badehen
tandingan pagar kayu tabalien
tahan segah hayak parmanen
nahalu riwut gosip kalunen

Jatun sempurna kutak sarita
dia batulang melai tutuk jela
aku tuh bawi pantas i nyinta
cinta satia aku maina

Dia kanyasal muh manduan aku
kasayang dengam je paham tutu
ibarat bawi baribu ribu
baya aku dia akan nanjaru

Auk jituh dia sakadar pander
dengang kuh ikau dia akan gaer
pahayak karungut lagu dan deder
aku basumpah manyampai pander

Cinta ku dengam ikau marima
mikeh tege pander je sala
kahimat janji manjadi tanda
sampai manuju pantai bahagia

Kalute kia aku balaku
dengang kuh ikau ela ndai ragu
jatunti beken kan tampayah bau
baya ikau turus sangka lemu

Aluhr are riwut galombang
balaku ikau dengan ku sayang
ela tindar sampai tambalang
kue belum sampanja panjang

kalutuh ahir tandak sarita
sampai hetuh uraian kata
karungut cinta salam budaya
terima kasih sampai hetuh kea